Xəbər verildiyi kimi, Ermənistan hökumət komandasının növbəti parlament seçkisi siyahısına baş nazir Nikol Paşinyanın arvadı Anna Akopyan rəhbərlik edəcək. 

Missiya.Az xəbər verir ki, “Hraparak” qəzeti məsələ ilə bağlı daha dərin təfərrütlara toxunub. 

“Akopyan son zamanlar hiperaktivlik nümayiş etdirir. Hökumət binasında onun ofisi, işçi heyəti və PR komandası var. O, nəinki yerli və xarici qonaqları qəbul edir, müxtəlif tədbirlər təşkil edir, həm də heç bir vəzifəsi olmadan dövlətin kadr siyasətini həll edir. “Mülki Müqavilə” partiyasının üzvlərinin sözlərinə görə, son kadr dəyişiklikləri onun ssenarisinə uyğun aparılıb”- deyə, qəzet yazır. Siyasi şərhçilərə istinadən o da qeyd olunur ki, Akopyanın hökumət siyahısına başçılıq edəcəyi, onun Paşinyandan sonra Ermənistanın baş naziri postunu tutacağını deməyə əsas verir. “Ancaq bir şeyi nəzərə almayıblar”: Anna Akopyanın antireytinqi Nikol Paşinyanınkından daha yüksəkdir”, - Hraparak qeyd edir.

Elcan
Missiya.Az