6 noyabr bir neçə tarixi şəxsiyyətimizin doğum və anım günləri ilə yadda qalıb. 

Missiya.Az onları təqdim edir:

Bu gün şair, nasir, tərcüməçi, publisist Tofiq Mahmudun doğum günüdür. 1931-ci il noyabrın 6-da Naxçıvan Muxtar Respublikasının Şahbuz rayonunda dünyaya göz açıb. Bakıda 31 saylı məktəbi bitirib. Azərbaycan Dövlət Universitetinin filologiya fakültəsində 1949–1954-cü illərdə bakalavr təhsili alıb.İlk şeri "Kəsməsəm də, görməsəm də" 1953-cü ildə "İnqilab və mədəniyyət" jurnalında dərc olunub. 4 aprel, 1997-ci ildə vəfat edib.

Bu gün Xalq Yazıçısı Qılman İlkinin isə anım günüdür.(2009) O, 28 aprel 1914-cü ildə Bakı qəzasının Mərdəkan kəndində anadan olub. “Qalada üsyan”, “Şimal küləyi”, “Hədiyyə” və digər povestlərin müəllifidir. "Kölgələr sürünür", "Yenilməz batalyon" bədii filmlərinin və bir neçə televiziya filminin ssenarisini yazıb.

6 noyabr həm də Vətən Müharibəsi Qəhrəmanı Ramiz Cəfərovun anım günüdür. O 2020-ci ilin bu günü şəhidlik zirvəsinə ucalıb.

Zərintac Mayisqızı
Missiya.Az