Rusiyalı pediatr Yekaterina Morozova məktəb dövründə valideynlərin uşaqlarını xəstəliklərdən necə qoruya biləcəyini açıqlayıb.

Missiya.Az xəbər verir ki, o bu barədə “İzvestiya”ya müsahibəsində danışıb.

“Əgər övladınız yayda fəal şəkildə təmiz havada vaxt keçirirsə, dənizə gedirsə, idman edirsə və adi gündəlik rejiminə əməl edirsə, deməli, onun orqanizmi artıq 50% məktəbə hazırdır. Araşdırmalar göstərir ki, aktiv və açıq havada olan uşaqların dərs ili ərzində xəstələnmə ehtimalı 30% azdır. Mövsüm üçün paltar seçmək də vacibdir. Çöldə hava isti olarsa, uşağınızı isti paltarla çox yükləməməlisiniz".

Ekspertin fikrincə, həddindən artıq istiləşmə immunitetin zəifləməsinə səbəb ola bilər. Morozova qeyd edib ki, məktəb forma tələb edirsə, müəllimlə isti günlər üçün daha yüngül geyim variantlarını müzakirə etməyə dəyər.

“Qripə qarşı peyvənd olunmaq başqa bir məcburi addımdır. COVID-19 pandemiyası səbəbindən 2020 və 2021-ci illərdə qrip epidemiyaları daha az yayılıb , lakin bu il artım gözlənilir. Statistikaya görə, qripə qarşı peyvənd alan uşaqların virusa yoluxma ehtimalı 60% azdır ki, bu da məktəbə davamiyyətin qarşısını almağa kömək edir. Uşağınızı gigiyena məhsulları ilə təmin etməklə yanaşı, xəstəlik halında nə edəcəyinizi söyləyəcək müəllimlə əlaqə saxlamaq gərəklidir. Bəzi hallarda məktəblini onlayn öyrənməyə təşviq etmək mümkündür ki, bu, hətta xəstəlik zamanı da proqramla ayaqlaşmağa yardımçı olur”, - mütəxəssis bildirib.

Zərintac Mayisqızı
Missiya.Az