Ermənistan hökuməti sentyabrın 5-də keçiriləcək iclasında delimitasiya komissiyalarının Azərbaycanla birgə fəaliyyəti haqqında əsasnaməyə baxacaq. 

Missiya.Az “Sputnik-Armenia”ya istinadən xəbər verir ki, bu barədə Ermənistan hokümətinin saytında məlumat verilib.

Bildirilir ki, sənəd delimitasiya üzrə işlərin təşkilini və müvafiq sənədlərin qəbulunu, o cümlədən uyğun miqyasda delimitasiya xəritəsinin tərtib edilməsini nəzərdə tutur.

Qeyd olunub ki, bu sənəd gələcəkdə dövlət sərhədi haqqında müqavilə imzalandıqdan sonra iki ölkə arasında prosessual məsələləri tənzimləyir.

Xatırladaq ki, avqustun 30-da Ermənistan Xarici İşlər Nazirliyi bəyan edib ki, Bakı və İrəvan sərhədlərin delimitasiyası və demarkasiyası üzrə komissiyaların birgə fəaliyyəti haqqında Əsasnamə imzalayıblar.

Daşqın Həsənov
Missiya.Az