Baş prokuror Kamran Əliyev bir sıra cinayətlərin araşdırılmasında digər hüquq-mühafizə orqanları ilə koordinasiyanın vacibliyini bildirib.

Missiya.Az xəbər verir ki, Baş Prokurorluğun, Baş prokuror yanında Korrupsiyaya qarşı Mübarizə Baş İdarəsinin, Respublika Hərbi, Naxçıvan Muxtar Respublikası və Bakı şəhər prokurorluqlarının məsul şəxslərinin iştirakı ilə keçirilən əməliyyat müşavirəsində çıxış edən K.Əliyev vurğulayıb ki, xüsusən bu dövlət təhlükəsizliyinə qarşı cinayətlərə aiddir.

Çıxış zamanı qeyd olunub ki, prokurorluq orqanları tərəfindən dövlətin təhlükəsizliyinə qəsd edən cinayətlərə qarşı mübarizə bundan sonra da gücləndirilməli, cinayətkarlığın bütün növlərinə qarşı mübarizə sahəsində və qanunçuluğun qorunmasında digər hüquq-mühafizə orqanları ilə koordinasiyalı fəaliyyət davam etdirilməlidir.