“ABŞ əvvəlki mövqeyinə sadiqdir və öz ordusunu heç bir şəkildə Ukraynaya göndərmək niyyətində deyil”.

Missiya.Az “CNN”ə istinadən xəbər verir ki, bunu ABŞ prezidentinin milli təhlükəsizlik üzrə müşaviri Ceyk Sallivan deyib.

“Dəfələrlə deyildiyi kimi, biz Ukrayna daxilində ukraynalılara təlim keçmək üçün hərbi məsləhətçilər, qoşunlar və ya təlimçilər göndərməyi planlaşdırmırıq”, - deyə siyasətçi bildirib.

O, qeyd edib ki, ABŞ tezliklə Ukraynaya fövqəladə ehtiyaclarını ödəmək üçün lazım olan əlavə silahların tədarükünü elan edəcək:

“Ukrayna prezidenti Volodimir Zelenski ilə razıyam ki, daha çox hava hücumundan müdafiə sistemlərinə ehtiyac var. ABŞ isə bunun üzərində işləyir. Düşünürəm ki, yaxın həftələrdə əlavə tədarüklər barədə elan gözləyə bilərik", - deyə Sallivan vurğulayıb.

Daşqın Həsənov
Missiya.Az