“Qara dəniz bölgəmizdə 13 vilayətdə sürətlə risk azaltma fəaliyyətlərinə başlayırıq. Bu yolla biz illərdir yaşadığımız sel, daşqın və sürüşmə fəlakətlərinin qarşısını almağı hədəfləyirik”.

Missiya.Az xəbər verir ki, bu sözləri Daşqın və Sel Riskinin Azaldılması Protokolu Mərasimində çıxışında Türkiyə prezidenti Rəcəb Tayyib Ərdoğan deyib.

“Bugünkü imza mərasimi ilə, xüsusilə yağışlı mövsüm qapımızı döyməzdən əvvəl ən yüksək riskli yerlərdən başlayaraq dövlət olaraq üzərimizə düşəni edirik. Protokol sayəsində istifadəyə verilən yeni iş maşınlarımızın köməyi ilə 2024-cü ili daha rahat, heç bir problem olmadan, can və mal itkisi olmadan keçirəcəyimizə inanıram”, - Ərdoğan vurğulayıb.

Türkiyə lideri qeyd edib ki, "Coğrafiya qismətdir" ifadəsinin nə demək olduğunu çox yaxşı bilirik. Aralıq dənizi hövzəsində yerləşən Türkiyə eyni coğrafiyaya malik olduğu ölkələrlə yanaşı, iqlim böhranının nəticələrini də hiss edən dövlətlərdən biridir.

“İstanbulun göbəyindəki parkda primitiv tədbirlər görülmədiyi üçün 5 yaşlı uşaq göz görə-görə həyatını itirdi. Sözə gəlincə, manqalda kül qoymayanlar bu cinayətdə səsini çıxarmadı. Əsrin fəlakətini əsrin birliyi ilə dəf edirik və dəf edəcəyik. Bu günə qədər 80 minə yaxın yaşayış və kənd evini qanuni sahiblərinə təhvil vermişik. İlin sonuna qədər bu rəqəmi 200 minə çatdırmağı hədəfləyirik. Əhalinin 71 faizinin zəlzələ riski yüksək olan yerlərdə yaşadığı Türkiyə üçün şəhərsalma işləri seçimdən çox zərurətdir. Ölkə və millət məsələsinin siyasi partiyası yoxdur, bizcə, fəlakətə hazırlıq siyasətdən üstün olan məsələdir”, - Ərdoğan əlavə edib.

Zərintac Mayisqızı
Missiya.Az