“Bizim Azərbaycanla imzalanmış sənədimiz yoxdur, biz onlara növbəti təklifimizi göndərmişik, indi cavab gözləyirik”.

Missiya.Az “Hraparak” nəşrinə istinadən xəbər verir ki, bu barədə Ermənistanın xarici işlər naziri Ararat Mirzoyan məlumat verib.

O, nəqliyyat kommunikasiya infrastrukturlarının blokdan çıxarılmasından danışaraq qeyd edib ki, bu, təkcə Ermənistan-Azərbaycan nəqliyyat marşrutlarının blokdan çıxarılması ilə məhdudlaşmır, daha geniş beynəlxalq gündəmi formalaşdırır.

“Biz gömrük sərhədindən keçmə prosedurlarının müəyyən qədər sadələşdirilməsini, eyni zamanda, eyni yüklər üçün əlavə təhlükəsizlik mexanizmlərini təklif etmişik. Azərbaycan tərəfinin ilkin reaksiyası müsbət təəssürat yaratdı”, - deyə Mirzoyan vurğulayıb.

Mirzoyan İranın bu məsələ ilə bağlı mövqeyindən də danışaraq, Ermənistan-İran sərhədinin artıq Ermənistan sərhədçiləri tərəfindən nəzarətdə saxlanıldığını əlavə edib.

Daşqın Həsənov
Missiya.Az