“Azərbaycan ərazi bütövlüyünü və suverenliyini bərpa etdikdən sonra Qarabağ məsələsini tam həll edib”. 

Missiya.Az xəbər verir ki, bunu politoloq Məhəmməd Əsədullazadə deyib. 

O, bildirib ki, məhz Qarabağ məsələsinə görə uzun illər Azərbaycan Şimali Kipr Türk Cümhuriyyətinin müstəqilliyini tanımayıb: Artıq Azərbaycanın Şimalı Kipr Türk Cümhuriyyətinin müstəqilliyini tanıması istiqamətində hər-hansı bir problemi yoxdur. Qeyd edim ki, Şimali Kipr Türk Cümhuriyyəti Türk Dövlətləri Təşkilatında üzv olmasa da Azərbaycanın istəyi ilə bu təşkilatın tədbirlərində yer alır. 

Kiprin prezidenti Ersin Tatar Azərbaycan prezidenti tərəfindən yüksək səviyyədə qəbul edilib. Artıq rəsmi Bakı tərəfindən Kiprin parlamenti ilə Azərbaycan Milli Məclisinin dostluq qrupu yaradılıb. Proseslər Şimali Kipr Türk Cümhuriyyətinin Azərbaycan tərəfindən müstəqilliyinin tanınmasına gedir”.

Missiya.Az