Yeni tədris ilinin başlanmasına bir həftə qalsa da, hələ də ictimaiyyətə qaydalarla bağlı heç bir açıqlama verilməyib. Bu səbəbdən jurnalistlər müxtəlif mənbələrdən əldə etdikləri informasiyaları yayır. Təhsil Nazirliyi isə öz növbəsində həmin informasiyaları yalnız təkzib etməklə kifayətlənir.

Missiya.Az xəbər verir ki, qurumun Mətbuat Xidmətinin rəhbəri Cəsarət Valehov bir qədər əvvəl sosial şəbəkələrdə təhsil naziri Emin Əmrullayevin sabah suallara cavab verəcəyini bildirib.