Brüssel Ukrayna prezidenti Volodimir Zelenskinin yerinə Valeri Zalujnı, Kirill Budanov, Andrey Yermak, Aleksey Arestoviç və Vitali Kliçko kimi namizədləri nəzərdən keçirir.

Missiya.Az “RİA Novosti”yə istinadən xəbər verir ki, bu barədə Rusiya Xarici Kəşfiyyat Xidmətinin mətbuat bürosu məlumat yayıb.

Bildirilir ki, aparıcı Qərb ölkələrinin yüksək rütbəli rəsmiləri Zelenskinin dəyişdirilməsi zərurətini getdikcə daha çox müzakirə edirlər.

“Dövlət başçısı kimi Zelenskinin mümkün varisləri nəzərdən keçirilir. Xüsusilə, bu ilin noyabrında Brüsseldə keçirilən Avropa İttifaqı (Aİ) xarici işlər nazirlərinin görüşü çərçivəsində qeyd olunub ki, bu, Ukraynanın yüksək səviyyəli rəsmilərindən ola bilər”, - deyə məlumatda vurğulanıb.

Qeyd olunub ki, səbəblər arasında Zelenskinin Rusiyanı döyüş meydanında məğlub etmək barədə yerinə yetirilməmiş vədləri, onun xarici tərəfdaşlarla münasibətdə sonsuz kobudluğu və ölkədəki korrupsiya faktları Qərb siyasətçilərini şoka salır.

Daşqın Həsənov
Missiya.Az