Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın doğum günüdür. Mehriban xanım həyata keçirdiyi layihələrlə, insanlara səmimi və doğma münasibəti ilə xalqımızın ümid yerinə çevrilib, ölkə əhalisinin böyük hörmətini və sevgisini qazanıb. 

Missiya.Az xəbər verir ki, bunu Mehriban xanım Əliyevanın doğum günü ilə bağlı özünün Facebook səhifəsində Türk Ağsaqqalları Birliyi - TAİB-in təsisçisi, Missiya Media Qrupunun rəhbəri Ramin Əhmədov yazıb. 

Təbrik paylaşımını olduğu kimi təqdim edirik:

"Mehriban xanım Əliyeva həm Heydər Əliyev Fondunun rəhbəri, həm də Birinci vitse-prezident kimi vəzifəsinin öhtəsindən böyük məharətlə gəlir. Onun fəaliyyəti çoxşaxəlidir. Mehriban xanımın fəaliyyəti azərbaycanlılarla yanaşı, dünyanın bir çox xalqları tərəfindən də yüksək qiymətləndirilir. Çünki Mehriban xanım Rusiya, İtaliya, Pakistan, Vatikan, Gürcüstan və bir çox ölkələrdə həyata keçirdiyi humanitar aksiyalarla sayğı və ehtiram ünvanına çevrilib. Dünya xalqları Mehriban Əliyevanı insanpərvər, sülhsevər və qayğıkeş şəxsiyyət kimi tanıyır. 

Birinci xanımın Vətən Müharibəsi dövründəki fəaliyyəti və müharibədən sonra qazilərə və şəhid ailələrinə göstərdiyi diqqət və qayğı xüsusi qeyd olunmalıdır. İkinci Qarabağ Müharibəsi zamanı xalqımız Prezident İlham Əliyevin və Mehriban xanım Əliyevanın ətrafında sıx birləşdi. Bu birliyin yaranmasında Mehriban xanımın da xüsusi rolu var. Birinci xanım müharibədən sonra şəhid ailələrini və qazilərimizi diqqətdən kənarda qoymur. Mehriban Əliyevanın təşəbbüsü ilə Heydər Əliyev Fondunun əməkdaşları vaxtaşırı olaraq qazilərimizə və şəhid ailələrinə baş çəkir, onları qayğılandıran problemlərin həlli üçün müvafiq addımlar atırlar. 

Mehriban xanım Prezident İlham Əliyevin ən yaxın silahdaşıdır. Onlar Azərbaycan xalqına sədaqətin, birliyin nümunəsini təqdim edirlər. 

Bu illər ərzində Qarabağ həqiqətlərinin dünyaya çatdırılmasında da Mehriban xanım Əliyevanın rolunu xüsusi qeyd etmək lazımdır.  

Hörmətli Mehriban xanımı doğum günü münasibəti ilə təbrik edir, ona həm siyasi, həm də humanitar fəaliyyətində uğurlar arzu edirik!

Ümumxalq sevgisi ilə əhatə olunmaq böyük səadətdir. Səadətiniz əbədi olsun, əziz və dəyərli Mehriban xanım!"