![](/uploads/posts/2023-08/5c3940b7-d290-328d-b2b1-d6e0e61293b1_850.jpg)
Almaniya Hərbi Hava Qüvvələri İslandiyada keçirilən “Rapid Viking” hərbi təliminə altı “Eurofighter” və 30 hərbi qulluqçu göndərib.
Missiya.Az "Report"a istinadən xəbər verir ki, Almaniyanın qırıcıları son 10 ildə ilk dəfə bu ölkədə manevrlərə qatılırlar.
“Biz Almaniya Hərbi Hava Qüvvələrinin bir neçə gün ərzində ehtiyac duyulan yerdə ola biləcəyini göstərmək üçün orada iştirak edirik”, - Bundesverin nümayəndəsi Marko Brunhofer bildirib.
Almaniya Silahlı Qüvvələrinin saytında yerləşdirilən bilgidə deyilir ki, təlimlər üçün lazım olan bütün avadanlıq, o cümlədən silah və şəxsi heyət bir həftə içində İslandiyanın paytaxtı Reykyavikə göndərilib.
DPA vurğulayıb ki, texnikaların sürətlə köçürülməsi təlimlərin məqsədlərindən biridir.
Agentlik əlavə edib ki, bu, Rusiya-Ukrayna müharibəsi fonunda, eləcə də NATO müttəfiqləri ilə həmrəylik göstərmək üçün gərəklidir.
Xatırladaq ki, daha öncə Almaniya hərbi təyyarələri 2010 və 2012-ci illərdə İslandiyada keçirilən təlimlərdə iştirak edib.