Şri-Lankanın müxalif siyasi partiyaları bazar günü ölkədə baş verən iğtişaşlar fonunda Prezidentin və Baş nazirin istefa qərarından sonra yeni hökumətin formalaşdırılması ilə bağlı razılığa gəlmək üçün danışıqlar aparıblar.

Missiya.Az Report-a istinadən xəbər verir ki, bu barədə “Associated Press” agentliyi məlumat yayıb.

Agentliyin məlumatına görə, ana müxalifət partiyası olan Birləşmiş Xalq Qüvvələrinin yüksəkvəzifəli nümayəndəsi Rancit Madduma Bandara bildirib ki, digər partiyalar və parlamentarilərlə birlikdə yeni hökumətin yaradılması ilə bağlı müzakirələr aparıblar və əlavə görüşlər nəzərdə tutulub. Lakin o, razılığın nə vaxt əldə oluna biləcəyini açıqlamayıb.

Hesabatda qeyd olunduğu kimi, müxalifət ondan irəli gəlir ki, onlar birgə səylərlə parlamentdə çoxluq təşkil edə bilsinlər və bundan sonra ölkə Prezidenti Qotabai Racapaksadan yeni hökumət qurmağı, sonra isə istefaya getməyi tələb edəcəklər.