“Vaşinqton razılaşması ilə Ermənistan inkişafın yeni ölçüsünə qədəm qoyub”.

Missiya.Az “Armenpress”ə istinadən xəbər verir ki, bunu Ermənistanın Baş naziri Nikol Paşinyan hökumətin iclasında deyib.

Məlumata görə, Paşinyan əvvəlcə Ermənistan və Azərbaycan arasında bərqərar olmuş sülh münasibəti ilə bütün hökumət üzvlərini təbrik edib.

Onun sözlərinə görə, Vaşinqtona getməzdən əvvəl hökumət, genişləndirilmiş Təhlükəsizlik Şurası, prezident, parlament həmkarları, regional qubernatorların iştirakı ilə məsləhətləşmələr aparılıb. Müzakirələr nəticəsində tərəflər bəyannamənin imzalanmasının zəruri olduğu qənaətinə gəliblər.

"Mən əminəm ki, bu addımla biz yeni inkişaf gündəliyinə, inkişafın yeni ölçüsünə qədəm qoyduq. Və burada işimizin məzmunu və enerjisi daha böyük olmalıdır. Görüləcək çox iş var. Bu, konstruktiv, dinc, yaradıcı işdir. Və biz hamımız bu işə maksimum diqqət yetirməliyik", - deyə Paşinyan əlavə edib.

Xatırladaq ki, Ermənistanın Baş naziri Nikol Paşinyan və Azərbaycan Prezidenti İlham Əliyev avqustun 8-də ABŞ dövlət başçısı Donald Trampın vasitəçiliyi ilə Vaşinqtonda birgə bəyannamə imzalayıblar. 

Daşqın Həsənov
Missiya.Az