Azərbaycan Tramp administrasiyasının vasitəçiliyi ilə imzalanan sülh bəyannaməsindən sonra milli təhlükəsizlik və texnologiya sahəsində ABŞ ilə daha sıx əlaqələr qurmağa çalışır.

Missiya.Az xəbər verir ki, bu fikirlər "Axios"un yayımladığı məqalədə qeyd olunur.

"Azərbaycan ən iri tikanlardan ikisi olan Rusiya və İran arasında sıxışıb qalıb. O, həm də əsas neft və qaz ixracatçısıdır və yaxşı təchiz olunmuş orduya malikdir. Ölkənin Amerika ilə əməkdaşlıq tarixi var, o cümlədən terrorla qlobal müharibə zamanı havada uçuşlar və yanacaq doldurma dayanacaqları təmin etmək.kimi təcrübəsi..." deyə məqalədə vurğulanır.

Azərbaycan səfirliyində səfir Xəzər İbrahim "Axios"-a verdiyi müsahibədə bildirib ki, onun hökuməti indi "işçi qrupları yaratmaq və bütün sahələrdə əlaqələri inkişaf etdirmək üçün işləyəcək: iqtisadiyyat, enerji, müdafiə, siyasət, təhsil, süni intellekt... Gəlin yeni səhifə açaq" - deyə səfir bildirib.

Xəzər İbrahim sülh prosesinin irəliləməsinə görə prezident Trampa təşəkkür bildirib və deyib ki, o, “101 faiz” Nobel Sülh Mükafatına layiqdir.

"Prezident Tramp çox qısa müddət ərzində – təxminən altı ay ərzində– başqalarının 30 ildən çox müddət ərzində edə bilmədiyi işi bacardı".

Səfir həmçinin Ağ Evin xüsusi elçisi Stiv Vitkoffa da təşəkkürünü bildirib, onun rolunu “görməmək olmaz” deyib.

“İstənilən danışıqlarda, xüsusən də çox çətin sülh danışıqlarında çox güclü dünya liderinin siyasi iradəsinin olması həmişə vacibdir. Bu dəfə əldə etdiyimiz budur, - səfir vurğulayıb.

Elcan

Missiya.Az