“2024-cü il yanvarın 1-də qondarma rejimin tabeliyində olan bütün dövlət qurumları və təşkilatları ləğv edilsin, o cümlədən “Artsax” Respublikasının mövcudluğu dayandırılsın ”.

Missiya.Az “Hraparak” nəşrinə istinadən xəbər verir ki, bu barədə separatçı rejimin başçısı, qondarma prezident Samvel Şahramanyan fərman imzalayıb.

“Qarabağın əhalisi, o cümlədən respublikadan kənarda yaşayan əhali bu fərman qüvvəyə mindikdən sonra orada qalma imkanları barədə fərdi qərar qəbul etmək üçün Azərbaycanın təqdim etdiyi reinteqrasiya şərtləri ilə tanış olsun”, - deyə Şahramanyan vurğulayıb.

Bildirilir ki, Qərar dərc edildiyi andan qüvvəyə minir.

Daşqın Həsənov
Missiya.Az