“Ermənistanın indiki hakimiyyətinin “yüngül əli” ilə biz böyük geosiyasi oyunçuların toqquşması səhnəsinə çevrilmişik”. 

Missiya.Az “Hraparak” nəşrinə istinadən xəbər verir ki, bunu Ermənistan parlamentinin deputatı Armen Abovyan deyib.

“İndiki hakimiyyət yalnız xarici oyunçuların iradəsini yerinə yetirir. Hakimiyət bunu o qədər açıq şəkildə həyata keçirməyə qadirdir ki, onların xarici cəbhədə total siyasi tənəzzülünə heyran qalırsan. Mən başa düşürəm ki, məxməri “xilaskarlar” çox güman ki, tərəfdaşlarının “istəklərini” yerinə yetirməklə törətdikləri nəticələrə dərindən baxmırlar”, - deyə siyasətçi vurğulayıb.

Onun sözlərinə görə, hakimiyyət ölkəni fiziki məhv olmaq təhlükəsi ilə üz-üzə gətirmək, Türkiyə və Azərbaycanın əlini sıxmaq və Qərbə yaltaqlanmaq üçün hər şeyi edir.

Daşqın Həsənov
Missiya.Az