AZ   |   RU
“Putinin ətrafı ondan uzaqlaşmağa çalışır” - Rusiyalı politoloq

“Rusiya prezidenti Vladimir Putin və ətrafı Haaqa Beynəlxalq Cinayət Məhkəməsinin onun həbsinə order verdikdən sonra bir növ depressiyaya düşüb”.

 

Missiya.Az xarici KİV-nə istinadən xəbər verir ki, bunu rusiyalı politoloq Abbas Qallyamov deyib.


“Bundan sonra onların hamısı şoka düşdü. Bu həbs qərarı Putinin ətrafı üzərində çox güclü və həyəcanlı təəssürat yaratdı”, - deyə rusiyalı siyasətçi vurğulayıb. 


Onun sözlərinə görə, Rusiya prezidentinin əhatəsində olan hər kəs o andan başa düşüb ki, Putinin əmrinə əməl etsələr, ona şərik olacaqlar və liderlə birlikdə məhkəmə qarşısına çıxacaqlar.


Qallyamov qeyd edib ki, buna görə “dəhşətli depressiya” başlayıb və hamı “qaçıb kənara çəkilə” bilmir. Çünki, Putin bunu xəyanət kimi qəbul edə bilər.


“Belə bir vəziyyətdə isteriyaya düşən Putin onların kənara çəkilməsinə aman verməyəcək. İndi onlar çaşqındırlar və nə edəcəklərini bilmirlər. Onların indi sağ qalma strategiyası yoxdur”, - deyə siyasətçi bildirib.

 



Daşqın Həsənov
Missiya.Az



  • 17-04-2023, 13:20