Mütəmadi olaraq Ukraynanın enerji infrastrukturu obyektlərinə hücum edən pilotsuz təyyarələr Ermənistanla əməkdaşlıq sayəsində İrandan Rusiyaya göndərilir.

Missiya.Az xəbər verir ki, bu barədə Ukrayna mediası məlumat yayıb.

Məlumata görə, ABŞ Mərkəzi Kəşfiyyat İdarəsininin rəhbəri Uilyam Börns İrəvana səfəri zamanı erməni tərəfinə İran və Rusiya arasında sıx hərbi ittifaqdan uzaq durmaq barədə xəbərdarlıq edib.

“İran Rusiyanın Ukraynaya qarşı müharibəsini Ermənistanın vasitəsilə dəstəkləyir.  Bu isə Moskvaya İranın pilotsuz təyyarələrini Ermənistanın hava məkanından keçirərək sanksiyalardan yan keçməsinə kömək edir", - deyə məlumatda vurğulanıb. 

Qeyd olunub ki, “Iran Air Cargo” İrəvanın “Zvartnots” hava limanından Moskvaya uçuşlar həyata keçirib:

“Ermənistan təkcə Rusiyaya sanksiyalar və Ukraynaya qarşı təcavüz altında olan malların tədarükü üçün hərbi-texniki təchizat bazası rolunu oynamır, həm də Moskva-Tehran alyansına hərbi-logistik dəstək verir”, - deyə məlumatda əlavə olunub.

Daşqın Həsənov
Missiya.Az