Azərbaycan Dövlət Su Ehtiyatları Agentliyi İri Şəhərlərin Birləşmiş Su Təchizatı Xidmətinin müvafiq şöbələrinin məsul şəxslərinin iştirakı ilə “Səbail-14” MMC-yə məxsus 2 binada sakinlərlə görüş keçirilib. 

Görüş zamanı sakinlərin Xidmətə ünvanladıqları müraciətin məzmunu müzakirə olunub, onların su təchizatı ilə bağlı irəli sürdükləri məsələlərə ümumi şəkildə aydınlıq gətirilib. Əraziyə baxış keçirilib və real vəziyyətin qiymətləndirilməsi üçün arayış hazırlanması qərara alınıb.

İlkin mərhələdə vəziyyətin təhlili aparılacaq, daha sonra isə hər iki binanın su təchizatı sistemlərinin idarə olunması imkanları texniki və hüquqi aspektlərdən araşdırılacaq. Növbəti mərhələdə bu istiqamətdə konkret addımların atılması nəzərdə tutulur.