Havalar qızanda insanların narahat olduğu məsələlərdən biri də günvurma hallarıdır. Günün müəyyən hissəsini açıq havada keçirmək insanları günvurma təhlükəsi ilə üz-üzə qoyur. Bəs günvurmadan qorunmaq üçün nə etməliyik?

Missiya.Az-ın xəbərinə görə, qızmar Günəş altında olarkən başı hər hansı örtüklə örtmək lazımdır. 

Günvurmanın əsas əlamətləri tərləmə, ürək döyüntülərinin artması, ürəkbulanma və başağrısıdır. Belə olanda erkən müdaxilə olduqca vacibdir.

Zərərçəkənə ilk yardım göstərmək üçün nəm salfet, ya da dəsmal suda isladıb onun başına çəkib, həmin şəxsi kölgəyə aparmaq lazımdır. Nəfəs alması üçün rahatlıq yaradılmalıdır. Sərin yerdə olmalı və çox soyuq su içməməlidir. Nəzərə alaq ki, parlaq günəş işığında baş, boyun, qol və ayaqları örtmək gərəklidir. Pambıq parçalara üstünlük verilməli və günəş kremini də unutmamalıyıq. 

Zərintac Mayisqızı
Missiya.Az