Türkiyənin əfsanəvi "Hababam Sınıfı" filminin sağ qalan aktyorları yarım əsr sonra eyni sıralarda oturaraq filmin 50 illik yubileyini qeyd ediblər.

Missiya.Az xəbər verir ki, bu barədə "İhlas Haber Ajansı" məlumat yayıb.

İstanbulda “Adilə Sultan Köşkü”ndə yerləşən "Hababam Sınıfı" Muzeyi bayram tədbirinə ev sahibliyi edib.

Böyük izdiham müşahidə olunan tədbirdə aktyorlar və filmi sevənlər sanki o zamanda səyahətə çıxdılar.

Ekran işinin aktyorlarından biri Bülent İğdiroğlu ürək sözlərini bölüşüb: "50-ci ilini görə bildiyimiz üçün çox xoşbəxtik. Onu görə bilməyən dostlarımız üçün çox təəssüflənirik. Amma "Hababam Sınıfı"nda olmaq və bunu yaşaya bilmək bizim üçün böyük qürur mənbəyidir. Deyərdim ki, inşallah 50 il də görəcəyik, amma yəqin ki, çox gülməli olardı. 6 nəsil izlədi, yəqin ki, daha 3-4-cü nəsil də filmə baxacaq. Ailə olaraq izlənilə bilən nadir filmlərdəndir, buna görə də bu işdə olmaqdan qürur duyuruq”.

Digər iştirak edən aktyorlar da öz təəssüratlarını danışıblar, tədbirdə iştirak etdikləri üçün şad olduqlarını ifadə ediblər.

 

Zərintac Mayisqızı
 Missiya.Az