Səlahiyyət müddəti başa çatdığından Hərbi Prokuror vəzifəsindən ayrılan Xanlar Vəliyevin başqa bir vəzifəyə təyin olunacağına dair ehtimallar reallığa çevrilmək üzrədir.

Daha çox o ehtimal olunurdu ki, Vəliyev bundan sonra Konstitusiya Məhkəməsinin hakimi kimi fəaliyyət göstərəcək. 

Missiya.Az APA-ya istinadən bildirir ki, bu barədə təqdimat artıq Milli Məclisə daxil olub.

Layihə parlamentin Hüquq siyasəti və dövlət quruculuğu komitəsinin bu gün keçirilən iclasında müzakirə edilərək plenar iclasına tövsiyə edilib.

Qeyd edək ki, Konstitusiya Məhkəməsinin hakimləri Azərbaycan Respublikası Prezidentinin təqdimatı ilə Milli Məclis tərəfindən təyin olunur.

Elcan
Missiya.Az