AZ   |   RU
"İran heç bir ölkə ilə müharibə istəmir" - Pezeşkian

"İran heç bir ölkə ilə müharibəyə can atmır və nüvə enerjisindən qeyri-dinc istifadənin ölkənin təhlükəsizlik və müdafiə doktrinasında yeri yoxdur". 


Missiya.Az xəbər verir ki, bu sözləri İran Prezidenti Məsud Pezeşkian Səudiyyə Ərəbistanının vəliəhd şahzadəsi Məhəmməd bin Salman ilə telefon danışığında deyib. 


Onun sözlərinə görə, İslam ölkələri bir ortaqlıqlara arxalanaraq, öz aralarında birlik və dostluğu gücləndirməklə özləri və region üçün sülh, təhlükəsizlik və tərəqqini ən yüksək səviyyədə təmin edə bilərlər: "Müsəlman xalqlar öz aralarında birlik və dostluq bərqərar etsələr, bəzi İslam ölkələrinə, o cümlədən Fələstinə və məzlum Qəzza xalqına qarşı zülmün və cinayətlərin qarşısını ala bilərlər".



Nurlana Əhmədova
Missiya.Az



  • Dünən, 14:59