ABŞ Müdafiə Nazirliyi Yaxın Şərqə USS Carl Vinson təyyarədaşıyan gəmisinin başçılıq etdiyi daha bir aviadaşıyıcı zərbə qrupunu yerləşdirir. 

Missiya.Az xarici mediaya istinadən xəbər verir ki, bu barədə Pentaqonun sözçüsü Şon Parnel bildirib. 

"Hind-Sakit Okean regionunda planlaşdırılan təlimlərdən sonra USS Carl Vinson-un başçılıq etdiyi aviadaşıyıcı zərbə qrupu regional sabitliyi artırmaq, təcavüzün qarşısını almaq və ticarət yollarını qorumaq üçün ABŞ Mərkəzi Komandanlığının (CENTCOM) məsuliyyət zonasına yerləşdiriləcək" Bölgədə Karl Vinson daha əvvəl Qırmızı dəniz bölgəsində husilərin dəfələrlə hücumuna məruz qalan USS Harry S. Truman təyyarədaşıyıcı gəmisinə qatılacaq.

ABŞ prezidenti Donald Tramp administrasiyasına yaxın mənbələr “Express” qəzetinə bildiriblər ki, İran nüvə sazişi ilə razılaşmasa və nüvə proqramını ləğv etməyə başlamasa , “sentyabr ayına qədər mövcudluğunu itirə bilər”. 

Nəşr mənbədən sitat gətirir: "Bəli, prezident Trampa yaxşı sövdələşmə imkanı vermək istəyi var, biz də bunu müharibdən üstün tuturuq. Amma hərbi variant masada qalır və qərar qəbul etmək vaxtı yaxınlaşır".

Elcan
Missiya.Az