ABŞ Prezidenti Donald Tramp digər ölkələrin, xüsusilə də Çinin kömürlə işləyən istilik elektrik stansiyaları açmaqla ölkəsi üzərində iqtisadi üstünlük əldə etdiyini əsas gətirərək, komandasına “dərhal” kömürlə enerji istehsalına başlamaq səlahiyyətini verdiyini açıqlayıb.

Missiya.Az xəbər verir ki, bu barədə xarici KİV məlumat yayıb.

"İllər boyu ekoloji ekstremistlər, dəlilər, radikallar və quldurlar tərəfindən əsir götürüldükdən və yüzlərlə kömürlə işləyən elektrik stansiyası açmaqla başqa ölkələrə, xüsusilə də Çinə bizim üzərimizdə böyük iqtisadi üstünlük əldə etməyə icazə verdikdən sonra, komandama dərhal gözəl, təmiz kömürlə enerji istehsalına başlamaq icazəsi verirəm", - Tramp əlavə edib.

Vəzifəsinin ilk günündə ABŞ lideri Alyaskadakı vəhşi təbiət qoruğu da daxil olmaqla bir sıra ərazilərdə neft və qaz qazıntılarının artırılmasına dair sərəncamlar imzalayıb. Həmçinin enerji layihələri üçün icazə tələblərini asanlaşdıracaq və elektrik stansiyalarının tikintisini sürətləndirəcək Milli Enerji Fövqəladə Halının elan edilməsi haqqında da sərəncam imzalayıb.

Zərintac Mayisqızı
Missiya.Az