“Türkman irsi: Vətəndaş cəmiyyətlərinin həmrəyliyi” Forumunda iştirak edəcək Türkiyə, İraq və Suriyadan olan Türkman QHT-lərindən ibarət nümayəndə heyətinin Azərbaycana səfəri başlayıb.

Missiya.Az xəbər verir ki, QHT rəhbərləri, ictimaiyyət nümayəndələri və media təmsilçilərindən ibarət heyətin azad olunmuş ərazilərə səfəri də nəzərdə tutulub.

Məlumata görə, qonaqlar martın 15-də Xankəndidə Qarabağ Universitetinin müəlim və tələbələri ilə görüşəcək, martın 16-da Şuşa və Füzuli şəhərləri ilə tanış olacaqlar.

Martın 18-də isə Bakıda ilk dəfə olaraq “Türkman irsi: Vətəndaş cəmiyyətlərinin həmrəyliyi” Forumu keçiriləcək.

Martın 19-dək davam edəcək səfər çərçivəsində əməkdaşlığa dair mühüm görüşlərin keçirilməsi də planlaşdırılır.

Qeyd edək ki, Türkiyə, İraq və Suriyadan olan Türkman QHT-lərindən ibarət nümayəndə heyətinin Azərbaycana səfəri QHT-lərə Dövlət Dəstəyi Agentliyinin xətti ilə həyata keçirilir.