“Ermənistan hazırda Türkiyə ilə kifayət qədər dinamik dialoq aparır”.

Missiya.Az xəbər verir ki, bu barədə Ermənistanın xarici işlər naziri Ararat Mirzoyan Hindistanın “WION” mətbuatına müsahibəsi zamanı məlumat verib.

O bildirib ki, Ankara ilə aparılan dialoq Türkiyə ilə Ermənistan arasında diplomatik münasibətlərin qurulmasına, həm də iki ölkə arasında sərhədlərin açılmasına yönəlib. 

“İndiyə qədər biz bir neçə kiçik, lakin nəzərə çarpan addımlar atmağa nail olmuşuq”, - deyə siyasətçi vurğulayıb.

Mirzoyan qeyd edib ki, onlar artıq razılaşıblar ki, sərhəd ilk növbədə üçüncü ölkə vətəndaşları, həmçinin Ermənistan və Türkiyə vətəndaşları, o cümlədən diplomatik pasport sahibləri üçün açılsın.

Erməni nazir əlavə edib ki, biz dialoqumuzu davam etdiririk. Və yenə də, əgər münasibətlər tam şəkildə normallaşarsa, bu, təkcə iki ölkə üçün deyil, həm regionda, həm də regiondan kənarda bir sıra digər oyunçular üçün çox faydalı olacaq. 

Daşqın Həsənov
Missiya.Az