Gürcüstanın sabiq prezidenti Mixail Saakaşvili həbs edilməsi qərarına münasibətini bildirib.

Missiya.Az xəbər verir ki, bu barədə siyasətçi özünün “Facebook” sosial media hesabında məlumat yayıb.

“Oliqarxın qərarı böyük sürpriz deyilmi? İşğalçının iradəsi bilavasitə yerinə yetirildi, bu, onların Gürcüstanı təslim etməməyə cavabıdır, əsrlər ərzində ilk dəfə cəsarət edib uğurlu Gürcüstan dövləti yaratdıq. Mənim haqqımda heç nə tapa bilmədiklərinə və ofis xərclərinə görə rəsmən həbs cəzası aldım”, - deyə siyasətçi vurğulayıb.

Onun sözlərinə görə, hakim “Gürcü arzusu” partiyasının təsisçisi Bidzina İvanişvilinin mafioz klanı onu sədaqətinə və vətən sevgisinə görə belə cəzalandırıb.

Saakaşvili əlavə edib ki, bizi qorxuda bilməzlər! Birlikdə güc var!.

Qeyd edək ki, Tbilsisi məhkəməsi Gürcüstanın sabiq prezidenti haqqında 9 il həbs qərarı hökmü çıxarıb.

Daşqın Həsənov
Missiya.Az