“Rusiya Prezidenti Vladimir Putinə etibar etmək olmaz və onu dayandırmaq lazımdır”.

Missiya.Az xəbər verir ki, bunu Avropa Komissiyasının sədri Ursula fon der Leyen Avropa Parlamentində çıxışı zamanı deyib.

O bildirib ki, indi ilk növbədə Ukraynadakı vəziyyətlə əlaqədar olaraq Avropanın müdafiə sektorunu dirçəltmək lazımdır.

"Ukraynaya hərbi tədarüklərdəki boşluqların doldurulmasına və etibarlı təhlükəsizlik zəmanətlərinin verilməsinə təcili ehtiyac var", - deyə siyasətçi vurğulayıb.

Leyen qeyd edib ki, bu, təkcə Ukraynaya deyil, bütün Avropaya və bütün qitənin təhlükəsizliyinə aiddir.

"Putin dəfələrlə sübut edib ki, o, düşmən qonşudur. Ona etibar etmək olmaz, onu yalnız saxlamaq olar. Və biz bilirik ki, Rusiyanın hərbi kompleksi istehsal baxımından bizimkindən daha üstündür. Əgər hərbi xərclərə real müstəvidə baxsaq, Kreml bütün Avropanın topladığı xərclərdən daha çox xərcləyir", - deyə siyasətçi əlavə edib.

Daşqın Həsənov
Missiya.Az