"2023-cü ildə mən Qarabağda Arkadi Qukasyan və Bako Saakyanla daimi əlaqədə olmuşam və demək olar ki, onlarla hər gün danışmışam. Son günlər isə gündə bir neçə dəfə danışırdım". 

Missiya.Az “Hraparak” nəşrinə istinadən xəbər verir ki, bu sözləri Ermənistanın sabiq prezidenti Robert Köçəryan mətbuat konfransı zamanı deyib.

O bildirib ki, Arayik Arutyunyan son 3 ayda istefa məsələsini müzakirə etməyə başlayıb: 

"Arutyunyanın istefası zamanı onunla telefon danışıqlarım olub və Bako Saakyan və Arqadi Qukasyan bu barədə mənə müəyyən şeylər danışıblar. Onlar bildirdilər ki, Arayik Arutyunyan da bütün bunları Ermənistanın Baş naziri Nikol Paşinyana danışıb. Onların Paşinyanla çoxsaylı telefon danışıqları olub və Paşinyan Qarabağda nə baş verdiyini çox gözəl bilirdi”, - deyə siyasətçi vurğulayıb.

Köçəryan qeyd edib ki, Arutyunyan şəxsən Şahramanyanı prezidentin səlahiyyətlərini öz üzərinə götürməyə razı salıb. Məndən Samvel Şahramanyanı təbrik etməyimi və ona dəstək verməyi xahiş etdilər. Mən ona qədər Şahramanyanı tanımırdım. Bütün bunlar haqqında spekulyasiya etmək ədəbsizlikdir. 

Daşqın Həsənov
Missiya.Az