Bu gün İran hökumətinin sözçüsü Fatimə Mühacirani Nazirlər Kabinetinin iclasından sonra ABŞ PIrezidenti Donald Trampın nüvə razılaşması ilə bağlı açıqlamalarına cavab verib.

Missiya.Az xəbər verir ki, bu barədə İran mediası məlumat yayıb.

“Donald Tramp daha öncə də “maksimum təzyiq" məsələsini sınayıb. Bu, heç vaxt təhdid yolu ilə həll edilə bilməz. Yenidən təkrar edirik ki, iranlını heç bir zaman hədələmə. Bu, Trampın təhdidlərinə ən yaxşı cavabdır”, - Fatimə Mühacirani bildirib.

Xatırladaq ki, ABŞ Prezidenti  qeyd edib: "Düşünürəm ki, İranla bağlı razılaşma əldə edəcəyik. Onlara zərər dəyməyəcək. İranın hava hücumundan müdafiəsi əsasən fəaliyyətsizdir, bu onu daha həssas edir və danışıqlar masasına əyləşməyə hazırdır. Fikirləşirəm ki, onlar əsəbidir, qorxurlar".

Zərintac Mayisqızı
Missiya.Az