“Ermənistan hazırda ağası olmayan, darvazasız və hasarsız torpaqdır. Yerin torpaq olması üçün bir ağası olmalıdır. Bu gün ermənilərin iniltisi torpaq naləsinə qarışıb. Sanki pozulmuş torpağa baxıb torpaq sahibinə “Sahibimiz yoxdur!” demək istəyirsən. Ermənistanda adamlar torpaq kimi dilsizdirlər”.

Missiya.Az "Hraparak" nəşrinə istinadən xəbər verir ki, bu sözləri erməni ekspert Hasmik Babacanyan deyib.

O bildirib ki, bizim genetik tariximiz, yaddaşımız var və genlərimizin məhv edilməsinin arxasında kimin dayandığını bilirik.

“Ötən gün naməlum şəxslər Respublika meydanında ermənilərin ləyaqəti ilə oynayırdılar. Bu, anarxiyadır, hökumət təhlükəsizliyi təmin etmək kimi əsas məsuliyyətindən qaçır və xalqı sıxışdırmağın son mərhələsinə çatıb. Hazırda bizə sərhədlərimizi qorumaq və təhlükəsizliyi təmin etmək üçün güclü əl lazımdır. Əks halda, yeddi ildir ki, bal ayında olan cütlüyün (Ermənistanın Baş naziri Nikol Paşinyan və həyat yoldaşı Anna Akopyan) bizə heç bir faydası olmayacaq”, - deyə Babacanyan qeyd edib.

Daşqın Həsənov
Missiya.Az