“ATƏT-in Minsk Qrupu 2022-ci ildə fəaliyyətini faktiki olaraq dayandırıb. Strukturun işinin dayandırılmasına görə məsuliyyəti fransız və amerikalı həmsədrlər daşıyır”.

Missiya.Az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova məlumat verib.

O bildirib ki, mövcud mandata baxmayaraq, onlar rusiyalı həmsədrlə məsləhətləşmədən və əlaqə saxlamadan ondan imtina ediblər, o cümlədən ATƏT çərçivəsində müzakirələr aparmayıblar və əvvəllər planlaşdırılan tədbirləri ləğv ediblər.

Zaxarova xatırladıb ki, 2022-ci il oktyabrın 6-da Praqada Ermənistanın Baş naziri, Azərbaycan Prezidenti, Fransa Prezidenti və Avropa Şurasının Prezidenti tərəfindən Minsk Qrupunu faktiki olaraq maddi imkanlardan məhrum edən birgə bəyanat imzalanıb. 

Bununla bağlı o, Minsk Qrupu ilə birlikdə ATƏT-in fəaliyyətdə olan sədrinin şəxsi nümayəndəsi vəzifəsinin ləğvini təklif edib:

“Çünki bu addım Ermənistanla Azərbaycan arasında münasibətlərin normallaşmasına töhfə verəcək”, - deyə Zaxarova vurğulayıb.

Daşqın Həsənov
Missiya.Az