“ABŞ Prezidenti Donald Tramp Ukraynanın NATO-ya üzv olub-olmamasına təsir göstərə bilər”. 

Missiya.Az “RBC-Ukrayna”ya istinadən xəbər verir ki, bunu Ukrayna Prezidenti Volodimir Zelenski Davosda Beynəlxalq Media Şurasının nümayəndələri ilə görüşü zamanı deyib.

Onun sözlərinə görə, əvvəlcə bəzi dövlətlər Ukraynaya qarşı qeyri-şəffaf siyasət aparıb və onun NATO-ya daxil olmasını dəstəkləməyiblər.

Zelenski qeyd edib ki, Ukraynanın NATO-ya daxil olması ilə bağlı zəif mövqe tutan ABŞ və Almaniya bu məsələdə ruslarla dialoq aparıb:

"Bəs bizsiz niyə birdən-birə bizim haqqımızda danışıqlar apardınız? Biz müstəqil ölkəyik. Mən başqalarının Ukraynaya olan hörmət səviyyəsini bərabərləşdirmək istərdim. Biz təhlükəsizlik zəmanətləri üçün mübarizə aparırıq və NATO-da olmaq istəyirik. Ancaq bizi NATO-da dörd ölkə, ABŞ, Almaniya, Slovakiya və Macarıstan dəstəkləmir. Lakin hər şey ABŞ-dən asılıdır və əgər Tramp Ukraynanı NATO-da görməyə hazırdırsa, biz ona dəstək olacağıq”, - deyə siyasətçi bildirib.

Daşqın Həsənov
Missiya.Az