“Müasir Gürcüstan 2013-cü ilin Ukraynası deyil, güclü institutları, o cümlədən güclü hüquq-mühafizə strukturları olan dövlətdi. Gürcüstanda 2013-cü ildə baş vermiş və Ukraynanı dağıdan ssenarini həyata keçirmək mümkün deyil”.

Missiya.Az xəbər verir ki, bu sözləri Gürcüstanın Baş naziri İrakli Kobaxidze deyib.

Onun sözlərinə görə, ölkədə zorakılıq və ya vəziyyətin gərginləşməsi şansı yoxdur.

“Ən əsası odur ki, 500-ə yaxın insandan ibarət bu mütəşəkkil zorakılıq resursu zərərsizləşdirilib. Gözləntilərim var ki, müxalifətin başqa variantı olmadığından onlar parlamentə qayıtmağa üstünlük verəcəklər. Düşünürəm ki, bu, fevralda baş verəcək. Əks halda onlar sadəcə olaraq siyasi intihar edəcəklər. Cəmiyyətin anlamalı olduğu əsas məsələ odur ki, müxalifət partiyalarının təmsilçiləri olan bu adamlar təkbaşına bir qərar da vermirlər. Onlar hər dəfə tapşırıqları yerinə yetirirlər və heç bir halda müstəqil qərarlar qəbul etmirlər. Onların hər bir addımı kənardan diktə olunur və ölkəmizin milli maraqları onları maraqlandırmır. Onların əməl etdikləri yeganə şey xarici göstərişlərdir”, - deyə Kobaxidze bildirib.

Daşqın Həsənov
Missiya.Az