Bəşər Əsəd rejiminin Dəməşqdəki (ya da Şam) işgəncə kamerası, ən qaranlıq mərkəzi Sednaya həbsxanasında gizli bölmə ilə bağlı iddiaları araşdıran qruplar işlərini davam etdirdiyi vaxtda, Harasta hərbi xəstəxanasında bəzi məhbusların cəsədləri tapılıb.

Missiya.Az xəbər verir ki, bu barədə xarici KİV məlumat yayıb.

Belə ki, Sednaya həbsxanasında özlərindən xəbər almaq mümkün olmayan məhbusların axtarışları davam edir, müxtəlif texnikalarla qazılan ərazilərdə gizli bölmələr axtarılır. Araşdırmaların fonunda çoxlu cəsəd aşkarlanıb.

Bir otaqda üst-üstə yığılmış 30-40-a yaxın meyitdə dərin yaralar, göyərmələr və əziklər müşahidə olunub. Görünür, işgəncə ilə öldürülən həmin şəxslərin xəstəxanaya yaxın müddətdə buraxıldığı təxmin edilir. Çürüməyə başlayan cəsədlərin yoxlanılması və şəxsiyyətləri müəyyənləşdirilir.

Bölgədə yaxınlarından xəbər ala bilməyənlər gözləməyə hələ ki davam edirlər.

Zərintac Mayisqızı
Missiya.Az