"Forbes" jurnalı Türkiyənin ən varlı adamlarının siyahısını açıqladı. 

Missiya.Az Türkiyə mediasına istinadən xəbər verir ki, keçən il 5.3 milyard dollarlıq sərvəti ilə ilk sırada yer ala İbrahim Ərdəmoğlu bu dəfə 10-cu yerdə olub. O, "Erdemoğlu Holdinq İdarə heyəti"  Başçısıdır.

Siyahıda doqquzuncu sırada Fərid Şahenk var. Onun toplam sərvəti 2, 2 milyard dollardır. Mehmet Sinan Tara isə 2.4 milyard dollar ilə səkkizinci yerdədir.

Hamdi Ulukaya yeddincidir və sərvəti 2,5 milyard dollardır. Ərman Ilıcak altıncı yerdədir və var-dövləti 2.6 milyard dollardır.

Mustafa Rəhmi Koç 2.8 milyard dollarla Türkiyənin ən zəngin 5-ci iş insanıdır. Siyahıda dördüncü yerdə olan ad Şaban Cəmil Kazancıdır. Sərvəti 3,1 milyard dollardır. Koç ailəsinin üzvü Semahat Sevim Arsel 3,1 milyard dollar sərvətlə üçüncü yerdədir. İpek Kıraç 3,2 milyard dollarlıq sərvətlə Türkiyənin ikinci ən zəngin adamı olub.

“Forbes” jurnalının siyahısında birinci yerdə “Yıldız Holdinq”in İdarə Heyətinin üzvü, “Pladis və Godiva” idarə heyətinin sədri iş adamı Murat Ülker yer alıb. Onun sərvəti 5,1 milyard dollardır.

Zərintac Mayisqızı
Missiya.Az