Kreml Hələbdəki vəziyyəti Suriyanın suverenliyinə qəsd adlandırıb.

Missiya.Az xəbər verir ki, bu barədə Rusiya Prezidentinin mətbuat katibi Dmitri Peskov bildirib.

"Kreml Suriyada cərəyan edən vəziyyəti necə xarakterizə edə bilər?" sualına cavabında “Hələb ətrafındakı vəziyyətə gəlincə, bu, əlbəttə ki, regionda Suriyanın suverenliyinə qəsddir və biz Suriya hakimiyyətinin bu ərazidə tez bir zamanda asayişi və konstitusiya quruluşunu bərpa etməsinin tərəfdarıyıq" Peskov deyib.

Kremlin sözçüsünün sözlərinə görə Suriya prezidenti Bəşər Əsədin Moskvaya fövqəladə səfəri ilə bağlı yayılan şayiələrə onun deyəcək heç bir sözü yoxdur.

Qeyd edək ki, dünən Rusiyanın bir neçə teleqram kanalı Əsədin Moskvada olduğunu və Rusiya prezidenti Vladimir Putinlə görüşə hazırlaşdığı haqqında məlumat yayıb. Əsədin Hələbdə hakimiyyət qüvvələrinə qarşı müxalif qoşunların hücumları fonunda Rusiyadan yardım üçün Moskvaya səfər etdiyi əlavə olunub.

Zərintac Mayisqızı
Missiya.Az