“Avropa İttifaqı (Aİ) Ukraynanı öz hissəsi kimi görmək istəyir və nə qədər lazımdırsa, onu dəstəkləyəcək”. 

Missiya.Az xarici KİV-ə istinadən xəbər verir ki, bunu Avropa Komissiyasının prezidenti Ursula fon der Leyen deyib.

“Biz Ukraynanın Avropa İttifaqının bir hissəsi olmasını istəyirik. Ona görə də nə qədər lazımdırsa, biz Ukraynanın yanında olacağıq. Biz öz tərəfimizdən zəruri olan islahatlara da hazırıq”, - deyə siyasətçi vurğulayıb.

Leyen qeyd edib ki, biz Ukrayna xalqının Avropa yolunda cəsarətini gördük:

“Eyni zamanda, Avropa gələcəyində israrlı olan Moldova xalqının dözümlülüyünü də gördük. Biz Qərbi Balkan ölkələrinin islahatlarda, artımda və Avropa Birliyinə üzvlüyə hazırlıqda öhdəliyini gördük. Biz onu da gördük ki, Rusiya onların Avropadakı gələcəyinə mane olmaq üçün heç nədən əl çəkməyəcək. Amma, Avropanın bu ölkələr qarşısında öhdəlikləri həmişə daha güclü olacaq”, - deyə siyasətçi bildirib.

Daşqın Həsənov
Missiya.Az