Naxçıvan Muxtar Respublikası Təhsil Nazirliyi, Ailə, Qadın və Uşaq Problemləri üzrə Dövlət Komitəsi və BMT-nin Uşaq Fondunun (UNİCEF) Azərbaycan Nümayəndəliyinin birgə təşkilatçılığı ilə keçirilən təlimlər davam edir.

Bu barədə Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin mətbuat xidmətindən Missiya.Az-a məlumat verilib.

Təlimin ikinci günündə UNİCEF-in Azərbaycan Nümayəndəliyinin Uşaq müdafiəsi proqramının məsləhətçisi Elmir Valehli ümumtəhsil məktəblərinin sinif rəhbərləri və direktorlarına təlim keçib.

Bildirilib ki, məqsəd həmin mexanizm nəticəsində məktəblərdə yaradılacaq UMT komandalarının uşaq təhlükəsizliyi konsepti və prosedurları üzrə bacarıqlarının artırılması, eləcə də şagirdlərin, valideynlərin və məktəb heyətinin mexanizm haqqında məlumatlandırılmasıdır. Uşaq müdafiəsi və təhlükəsizliyi (UMT) mexanizminin təhsil ocaqlarında daha da mənimsənilməsinin və müvafiq dəstəyin göstərilməsinin vacibliyi vurğulanıb.

Oktyabrın 12-dək davam edəcək təlimlərdə maarifləndirici videoçarx və animasiya filmləri nümayiş etdirilir.

Zərintac Mayisqızı
Missiya.Az