“Rusiya üçün qırmızı xətlər yoxdur. Ukrayna müdafiəçiləri Kursk vilayətinin bir hissəsinə nəzarət etməyə başlayandan sonra bu konsepsiya dağıldı”.

Missiya.Az “RBC-Ukrayna”ya istinadən xəbər verir ki, bu sözləri Ukrayna prezidenti Volodimir Zelenski deyib.

Onun sözlərinə görə, əgər bir neçə ay əvvəl dünyanın əksər ölkələri Ukraynanın Kursk vilayətində əməliyyat keçirmək planlarından xəbər tutsaydı, onlar bunun Rusiyanın bütün qırmızı xətlərinin keçməsi olduğunu söyləyərdilər.

“Ukraynanın aktiv qabaqlayıcı müdafiəsi Rusiya terroruna qarşı ən effektiv mübarizədir”, - deyə siyasətçi vurğulayıb.

Zelenski qeyd edib ki, müharibədə hər şey həm Ukraynanın, həm də onun tərəfdaşlarının cəsarətindən asılıdır.

Daşqın Həsənov

Missiya.Az