“Gürcüstanın Rusiyaya qarşı ikinci cəbhəyə çevrilməsi riski həqiqətən də var”.

Missiya.Az “Lenta.ru”ya istinadən xəbər verir ki, bunu rusiyalı hərbi ekspert Oleq Qlazunov Gürcüstanın baş naziri İrakli Kobaxidzenin bəyanatını şərh edərkən deyib. 

O, bildirib ki, Gürcüstanın bütün siyasi elitası ABŞ-nin nəzarəti altındadır və ölkənin prezidenti və baş naziri kimin olacağına məhz amerikalılar qərar verirlər.

“Beləliklə, onlar da bu prosesə başlaya bilərlər. Ukrayna ilə alınmadı, amma Gürcüstandan başlaya bilərlər. Onların əsas məqsədi Rusiyanı zəiflətməkdir. Çox ehtimal ki, onlar Rusiyaya qarşı gərginlik ocağını Abxaziya və Cənubi Osetiyadan başlada bilər”, - deyə ekspert vurğulayıb.

Qeyd edək ki, Gürcüstanın baş naziri İrakli Kobaxidze bildirmişdi ki, ölkədə keçiriləcək parlamnet seçkilərində müxalifət qalib gələrsə, Gürcüstan vasitəsilə Rusiyaya qarşı ikinci cəbhə açıla bilər.

Daşqın Həsənov
Missiya.Az