“40 gün əvvəl “Crocus City Hall”da 144 nəfərin ölümü ilə nəticələnən dəhşətli terror aktı baş verib. Yüzlərlə insan təsirləndi, bir çoxunun hələ də köməyə ehtiyacı var”.

Missiya.Az xəbər verir ki, bu sözləri Xalq artisti Emin Ağalarov "İnstagram" hesabında yazıb.

O qeyd edib ki, bütün bu günlərdə Müslüm Maqomayev Fondu zərərçəkənlərə kömək məqsədilə xeyriyyə aksiyası keçirib.

"Qayğıkeş insanların sayəsində Fond təxminən 140 milyon rubl yığa bildi. Bu müddət ərzində ölən və yaralananların 80-dən çoxunun ailəsi və yaxınları kömək istəyib".

"Mən bir daha qurbanların bütün ailələrinə səmimi başsağlığımı, o dəhşətli gecədə insanların xilas edilməsinə kömək edənlərin hamısına dərin təşəkkürümü və bütün qurbanlara hələ də dəstək verənlərə böyük hörmətimi bildirmək istəyirəm”,-deyə Ağalarov əlavə edib.

Leyla SƏMƏNDƏR
Missiya.Az