Ukraynada dünyasını dəyişmiş azərbaycanlı hərbi jurnalist İdrak Camalbəyli Kiyevdə yaşadığı 6 il ərzində jurnalist fəaliyyətilə yanaşı, həm də həvəskar səviyyədə futbolla məşğul olub.

O, özünün də iştirakı ilə yaradılmış məhəllə komandasının heyətində müxtəlif qarşılaşmalarda iştirak edib və hücumçu kimi komandasına çoxsayda qələbələr qazandırıb. Bir faktı da qeyd etmək yerinə düşər ki, İdrak dünyasını dəyişdiyi oyunda da 2 qol vurub. İdrak Camalbəylinin vaxtsız ölümü Ukraynanın ictimai- siyasi dairələri və diasporumuz kimi onun futboldakı yoldaşlarına da dərin sarsıntı yaşadıb.

Missiya.Az-a Kiyevdən göndərilən məlumata görə İdrak Camalbəylinin heyətində çıxış etdiyi həvəskar futbol komandasının üzvləri İdrakın xatirəsinə həsr olunmuş qarşılaşma təşkil ediblər. Oyundan əvvəl onlar İdrakın xatirəsini bir dəqiqəlik sükutla yad edib, Ukrayna bayrağı üzərinə xatirələrini və ürək sözlərini qeyd ediblər. Həmin bayraq Bakıya – Jurnalistin ailəsinə göndəriləcək.



Missiya.Az