“Azərbaycanla Ermənistan arasında hərbçilərin qarşılıqlı surətdə azad edilməsi barədə razılığın əldə olunması, Azərbaycan dövlətinin və bilavasitə cənab Prezidentin ölkə vətəndaşlarına, hərbçilərə verdiyi dəyərin, əsirlikdə olan şəxslərin yaxınlarının hisslərinə şərik olmasının bariz nümunəsidir”.

Missiya.Az xəbər verir ki, bu fikirləri Türk Ağsaqqalları Birliyi - TAİB-in təsisçisi, Missiya Media Qrupunun rəhbəri Ramin Əhmədov özünün Facebbok səhifəsində paylaşıb. Ramin Əhmədov hesab edir ki, əldə olunmuş razılaşmada  rəsmi Bakının mövqeyi, iradəsi  böyük rol oynayıb:

“Bu hadisəni tam əminliklə Prezidentimizin öz hərbçilərinə  verdiyi dəyərin göstəricisi kimi qiymətləndirməliyik. Sayından asılı olmayaraq bir hərbçinin belə həyatı Dövlət başçımız üçün önəmlidir. Bunun bir daha şahidi olduq. Əsirlikdən azad olunmuş hərbçilərimizin ailə üzvlərinin müsahibələri ilə yəqin ki, tanışsız. Onları dinlədikcə, nə qədər əhəmiyyətli addım atıldığına bir daha əmin olursan. “Biz ölmüşdük, bizi təzədən diriltdilər” deyən ananın sevinci, gözlərinin yollardan çəkilməsi, sağ qayıdacağına ümid etmədiyi balasını bağrına basması dünyalara dəyməzmi?”.

R.Əhmədov paylaşımında bir məqamı da xüsusi vurğulayıb:

“Əldə olunmuş razılaşma Azərbaycan xalqına qarşı müharibə cinayətləri törətmiş  və hazırda Bakıda həbsdə olan qondarma rejimin rəhbərlərinə aid deyil. Yəni Otuz iki nəfərlik siyahıya Araik Arutunyan, Bako Saakyan, Arkadi Qukasyan, Ruben Vardanyan, o cümlədən Vaqif Xaçaturyan, Alyoşa Xosrovyan kimi cinayətkarların adı daxil edilməyib. Bu da heç şübhəsiz ki, Cənab Prezidentin qətiyyəti və prinsipiallığının göstəricisidir”.

Elcan
Missiya.Az