“Ölkəsini, xalqını sevən adam  hansı siyasi ideologiyaya xidmət edirsə etsin, dövlətin maraqlarına qarşı heç vaxt addım atmaz”.

Missiya.Az xəbər verir ki, bu fikirləri Türk Ağsaqqalları Birliyi – TAİB-in təsisçisi, Missiya Media Qrupunun rəhbəri Ramin Əhmədov özünün Facebook səhifəsində paylaşıb.

R.Əhmədov qeyd edib ki, Müxalifətçilik dövlətin dayaqlarına qənim kəsilmək kimi şərəfsizlik xəttini tərənnüm etmir:  “Ürəyində bir balaca vətən, dövlət sevgisi daşıyan insan millətinin maraqlarını dünya bazarına çıxarmaq həvəsinə düşməz. Nə yazıq ki, içimizdə xisləti qara, yolu yabançı, düşüncəsi ancaq xaricdən pul almaq marağına köklənmiş “parazitlər də var…  Əminik ki, Azərbaycan cəmiyyəti bundan sonra da onlara layiq olduqları yeri göstərəcək” – deyə, paylaşımda vurğulanır.

R.Əhmədov hesab edir ki, xarici agentura şəbəkələrinin ifşa olunması bilavasitə milli maraqlarımızdan irəli gəlir.

Elcan
Missiya.Az