Ukrayna prezidenti Vladimir Zelenski cəbhə xəttindəki çətin vəziyyətə baxmayaraq, Rusiya ilə sülh danışıqları ideyasını yenidən rədd edib.

Missiya.Az xəbər verir ki, o, “The Sun”-a müsahibəsində qeyd edib ki,  düşmən qorxmur və dayanmayacaq, çünki o, bütün dünya ilə qarşı-qarşıya olduğunu hiss etmir. Zelenski  Qərb müttəfiqlərini silah tədarükünü artırmağa çağırıb.

Siyasətçi əlavə edib ki,  Kiyev “nəyin bahasına olursa olsun sülhə” razı ola bilməz.

Bundan əvvəl Zelenski Ukrayna münaqişəsinin tezliklə bitəcəyinə şübhə etdiyini bildirib. Onun sözlərinə görə, qarşıdurma “istədiyimiz qədər tez bitməyəcək”.

Prezident həmçinin vurğulayıb ki, Ukrayna ilə Rusiya arasında münaqişə dondurulmamalı, sona çatmalıdır. Dövlət başçısının fikrincə, vəziyyət nə qədər ağır olsa da, Kiyev münaqişəni dondura bilməz.

Elcan
Missiya.Az