“Saxlanılan müddətdə səhhətim kəskin şəkildə pisləşdi. Mən indi ölürəm”.

Missiya.Az “Politico” qəzetinə istinadən xəbər verir ki, bu sözləri Gürcüstanın keçmiş prezidenti Mixail Saakaşvili deyib.

Bildirilir ki, siyasətçi həbsdə olarkən işgəncələrə məruz qaldığını və siyasi məhbus kimi təqdim edildiyini bildirib.

“Mən müntəzəm olaraq fiziki və psixoloji işgəncələrə məruz qalmışam və hazırda bədənimdə ağır metal zəhərlənməsinin əlamətləri var. İndi mən 20-dən çox ağır xəstəlikdən əziyyət çəkirəm, onların hamısı həbsdə olarkən yaranıb”, - deyə Saakaşvili vurğulayıb.

Siyasətçi qeyd edib ki, ölkədən kənarda lazımi tibbi yardım almasam, tezliklə öləcəyim gün getdikcə yaxınlaşır.

Saakaçvili ABŞ və beynəlxalq ictimaiyyəti Gürcüstan hökumətinə diplomatik təzyiq göstərməklə onun həyatını xilas etmək üçün mümkün olan hər şeyi etməyə çağırıb.

Daşqın Həsənov
Missiya.Az